AFFA cəzaları açıqladı

AFFA İntiza Komitəsinin iclası keçirilib.

Futbolxeber.az saytının məlumatına görə, iclasda aşağıdakı qərarlar qəbul edib:

24 dekabr 2017-ci il, Regional Liqasının, “Ümid” - “Tufan” matçında  “Ümid” klubu təhlükəsizliyi təmin etmədiyinə görə kluba 0:3 hesablı texniki məğlubiyyət verilir (maddə 61).

20 dekabr 2017-ci il, Gənclər Liqasının, “Kəpəz” - “Səbail” matçının 75-ci dəqiqəsində “Kəpəz” klubunun 9 №-li futbolçusu Kamal Həsənpur ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

20 dekabr 2017-ci il, Gənclər Liqasının, “Zirə” - “Keşlə” matçının 76-cı dəqiqəsində “Zirə” klubunun 22 №-li futbolçusu Qulu Axundov ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

25 dekabr 2017-ci il, Bakcell U-17 Liqasında, “Qarabağ” - “Zirə” matçının 90-cı dəqiqəsində “Zirə” klubunun 13 №-li futbolçusu Rəvan Babazadə ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

18 dekabr 2017-ci il, Bakcell U-17 Liqasında, “Keşlə” - “Neftçi” İK İB matçının 89-cu dəqiqəsində “Neftçi” İK İB klubunun baş məşqçisi Elçin Dərgahquliyev İntizam Komitəsinin 18 №-li protokoluna əsasən  texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanır (maddə 62). Lakin sonradan  Elçin Dərgahquliyevin köməkçi hakimi təhqir etdiyinə görə texniki zonadan uzaqlaşdırılması müəyyən olunmuşdur. Bunu nəzərə alaraq İntizam Komitəsi 18 №-li protokoluna dəyişiklik edərək Elçin Dərgahquliyevi  hakimi təhqir etdiyinə görə 5 oyun cəzalandırır (maddə 42.4).