UEFA açıqladı: Azərbaycan millisi birinci, ermənilər ikinci səbətdə

Millətlər Liqası öncəsi UEFA səbətlərin tərkibini açıqlayıb.

Futbolxeber.az saytının məlumatına görə, D liqasında mübarizə aparacaq Azərbaycan millisi Makedoniya, Belarus və Gürcüstanla birgə birinci səbətdə yer alıb.

D liqasında digər səbətlərin tərkibi aşağıdakı kimidir:

2-ci səbət: Ermənistan, Latviya, Farer adaları, Lüksemburq

3-cü səbət: Qazaxıstan, Moldova, Lixtenşteyn, Malta

4-cü səbət: Andorra, Kosovo, San Marino, Cəbəllütariq.

Millətlər Liqasının püşkü yanvarın 24-də Lozannada atılacaq.

Qeyd edək ki, D liqasında qrup qalibi olacaq 4 ölkə 2019-cu ilin iyununda pley-off sistemində çempionluq uğrunda mübarizə aparacaq.

Əlavə edək ki, müharibə şəraitində olduğu üçün Azərbaycan və Ermənistan milliləri eyni qrupda yer ala bilməz.