De Rossi: "Qarabağ”ın bizə çətinlik yaradacağını bilirdik"

"Qarabağ”ın bizə çətinlik yaradacağını bilirdik. Amma yekunda istədiyimiz nəticəyə nail olduq".

Futbolxeber.az saytının qol.az-a istinadən verdiyi məlumata görə,  bu sözləri “Roma”nın kapitanı Daniele De Rossi Çempionlar Liqasının qrup mərhələsinin son turunda “Qarabağ”a 1:0 hesabı ilə qalib gəldikləri oyundan sonra klubun saytına deyib.

34 yaşlı yarımmüdafiəçi bildirib ki, bəlkə də bu matçda heç-heçənin uzun müddət davam edəcəyini heç kim gözləmirdi: "Roma"nın Avropadakı adı bizim üçün önəmlidir. Xoşbəxtik. Avropa turnirlərində bəzən zərbələr aldıq. Bu cür çətin qrupu ilk pillədə bitirmək xoşdur”.

De Rossi əldə etdikləri uğurlarda baş məşqçiləri Di Françesko böyük rol oynadığını söyləyib : “Di Françesko hamını təəccübləndirdi. Gələn kimi, komandanı Avropada yeni səviyyəyə çatdırdı. Di Françesko bizi rəqibin kimliyindən asılı olmayaraq, aqressiv oyun göstərməyə alışdırdı”