Qurban Qurbanov: “Roma”ya qarşı layiqli oyun göstərdik”

“Roma”nı təbrik edirəm. Öz futbolçularımı da. Uduzmaq istəmirdik. Amma futbolçularımdan razı qaldım. Komandam məğlub olmaq istəmirdi. Layiqli oyun göstərdik”.

Futbolxeber.az saytının məlumatına görə, bunu "Qarabağ"ın baş məşqçisi Qurban Qurbanov "Roma" ilə oyundan sonra deyib.

Çempionlar Liqasının qrup mərhələsinin son turunda Ağdam klubu səfərdə “Roma”ya 0:1 hesabı ilə uduzub.

Oyunsonrası mətbuat konfransında “Qarabağ”ın çalışdırıcısı jurnalistlərin suallarını cavablandırıb:

- Ümumilikdə, qrup mərhələsindəki çıxışınızı necə dəyərləndirərdiz? Ramil Şeydayevlə Ağabala Ramazanovun meydana daxil olması nə üçün idi?

- Normal hesab edirəm. "Çelsi" istisna olmaqla, digər matçlardakı çıxışımız normal sayıram. Qırmızı vərəqə aldığımız epizodlarda təcrübə çatmadı. Onların meydana buraxılması sürəti artırmaqdan irəli gəlirdi.

- Qırmızı vərəqələr olmasaydı, komandanın oyununa təsir edərdimi? Bugünkü müdafiə xəttini necə dəyərləndirərdiniz?

- Futbolçuların meydanda daha çox şans qazanmasını müsbət amil sayıram. Bir neçə epizodu çıxsaq, müdafiəçilərimiz yaxşı çıxış etdilər.