Elxan Məmmədov: "İlin sonunda Berti Foqtsla vidalaşacağıq"

"Berti Foqtsla yollarımızı yəqin ki, ayıracağıq. Onsuz da ilin sonunda müqaviləsi bitir". Futbolxeber.az-ın məlumatına görə, bu sözləri AFFA-nın baş katibi Elxan Məmmədov deyib.

E.Məmmədov tezliklə yeni baş məşqçi axtarışlarına başlayacaqlarını bildirib: "1 və ya 2 aydan sonra yeni məşqçilərlə danışıqlara başlayacağıq. Bu haqda Foqtsun özünə də məlumat veriləcək. Siyahımızda həm yerli, həm də əcnəbi məşqçilər var".

Qurban Qurbanovun baş məşqçi postuna gətirilməsi haqda sualı Elxan Məmmədov belə cavablandırıb: "Mən o barədə danışa bilmərəm. Əgər, danışsam, o biri məşqçilər dərhal zəng vuracaqlar ki, o gəncdi, bəs biz?"