Mirel Yosa: "Birinci hissədə daha yaxşı oynadıq"

"Bilirdik ki, çox güclü futbolçuları olan bir komandaya qarşı oynayırıq. Birinci hissədə daha yaxşı oynadıq. Futbolçularımız hamısı oyuna ürəyini qoydu". Futbolxeber.az-ın məlumatına görə, bu sözləri "Neftçi" ilə oyundan sonra "Skenderbeu"nun baş məşqçisi Mirel Yosa deyib. 

Yosa cavab oyunun çətin alınacağını qeyd edib: "Oyunçularımdan razı qaldım. Ancaq bu nəticə ilə bizə evdə çox çətin olacaq. Bəlkə də, “Neftçi” üçün hələ heç nə demək deyil. Artıq ikinci oyuna konsentrasiya olunmalıyıq. Cavab matçında hücumda daha yaxşı oynamağa çalışacağıq. Bir həftə vaxtımız var ki, ikinci oyuna hazırlaşaq. Mən təbii ki, xəyallarda deyiləm. “Neftçi”nin şansları bitməyib. “Neftçi” səfərdə bir qol vursa, bizim üçün asan olmayacaq".