Branimir Subaşiç: "Azarkeşlər necə oyunçu olduğumu görəcəklər"

Bir müddət əvvəl "Orduspor"a transfer olunan millimizin hücumçusu Branimir Subaşiç yeni klubu haqda danışıb. Futbolxeber.az-ın məlumatına görə, Subaşiç komandasının yenidən Superliqaya qayıdacağına inandığını bildirib: "Bazalar çox gözəldi. Bir neçə gün əvvəl şəhəri gəzməyə fürsət tapa bildim. İnsanlar çox mehribandır. Səmimi deyə bilərəm ki, Ordunu sevdim. Meydanda özümü hər kəsə göstərəcəyəm. Azarkeşlər mənim necə oyunçu olduğumu görəcəklər. Əlimdən gələn hər şeyi edəcəyəm. Amma unutmayaq ki, futbol komanda oyunudur. Əgər hər birimiz üzərimizə düşən vəzifəni yerinə yetirsək, yaxşı uğurlar əldə edəcəyik. "Orduspor"un yenidən superliqaya qayıdacağına inanıram" .