“Səbail” ev oyunlarını bu stadionda keçirəcək

"Səbail”in ev oyunlarını keçirəcəyi stadion müəyyənləşib.

Futbolxeber.az saytının məlumatına görə, bu, Mərdəkan qəsəbəsindəki AFFA Futbol Mərkəzindəki "Dalğa Arena”dır.

Məlum olduğu ki, komandanın ev oyunlarını keçirməli olduğu Bayıl stadionunda hazırda təmir-bərpa işləri aparılır. "Səbail" "Dalğa Arena"dan öz arenasında təmir prosesi yekunlaşana və oyunlarının keçirilməsinə hazır olana qədər yararlanacaq.

Qeyd edək ki, "Səbail" Topaz Premyer Liqanın II turunda "Neftçi"ni "Dalğa Arena"da qəbul edib və 1:0 hesabı ilə qalib gəlib.