Qurban Qurbanov: “Bizi nə “Şerif” maraqlandırır, nə də “Kukesi”

Çempionlar Liqasının III təsnifat mərhələsinin püşkü atılıb.

Futbolxeber.az saytının məlumatına görə, Azərbaycn çempionu “Qarabağ” II mərhələ “Samtredia”nı mübarizədən kənarlaşdıracağı halda, növbəti mərhələdə “Şerif” (Moldova) - “Kukesi” (Albaniya) cütünün qalibi ilə qarşılaşacaq.

Ağdam klubunun baş məşqçisi Qurban Qurbanov püşklə bağlı öz fikirlərini klubun rəsmi saytına açıqlamasında bildirib:

“Hazırda bizi nə “Şerif, nə də “Kukesi” maraqlandırır. İyulun 18-i keçiriləcək“Samtredia”yla cavab oyununa hazırlaşırıq. Bütün fikrimizi bu qarşılaşmaya yönəltmişik”.

Xatırladaq ki, "Qarabağ" ilk oyunda evdə 5:0 hesabı ilə məğlub etdiyi gürcülərin iyulun 18-də Tiflisdə qonağı olacaq.