“İnter” “Qalatasaray”ı, “Qəbələ” “Panatinaikos”u Bakıya gətirə bilər

Avroliqada III təsnifat mərhələsinin püşkü atılıb.

Futbolxeber.az saytının məlumatına görə, II mərhələdə mübarizəni davam etdirən təmsilçilərimizin də mümkün rəqibləri müəyyənləşib.

İlk görüşdə Lüksemburq “Fola”sını Bakıda 1:0 hesabı ilə məğlub edən “İnter” bu mərhələni adlayacağı təqdirdə, “Qalatasaray”la qarşılaşa bilər. Bunun üçün İstanbul təmsilçisi cavab matçında İsveç “Ostersun”undan 0:2 hesablı məğlubiyyətin əvəzini çıxmalıdır.

“Qəbələ” isə “Yagelloniya” səfərindən sərfəli nəticə ilə dönsə, 2 il əvvəl pley-offda mübarizədən kənarlaşdırdığı “Panatinaikos”la üz-üzə gələcək.