Toşak: "Nəticəyə görə sevinirəm"

"Xəzər Lənkəran"ın baş məşqçisi Con Benjamin Toşak "Slima"ya qarşı baş tutan oyunu şərh edib. Futbolxeber.az-ın məlumatına görə, uelsli mütəxəssis matçın çətin keçdiyini bildirib: "Rəqib bu gün çox çalışdı. Xüsusilə, ilk yarıda 4-5 qol imkanımız oldu. 1:0 göstərdiyimiz oyuna görə deyildi. Mövsümün əvvəli olduğundan futbolçulara çətin idi. Elnur Allahverdiyev də Maltadakı görüşdə qırmızı vərəqə almışdı. Ümumiyyətlə, son vaxtlar çox qırmızı vərəqə alırıq. Fikirləşmək lazımdı. Nəticəyə görə sevinirəm”.

Təcrübəli mütəxəssis ikinci mərhələdə qarşılaşacaqları "Makkabi" haqda da söz açıb: "Makkabi" ilə görüşdə də erkən qol vurmağa çalışacağıq. “Slima” fiziki cəhətdən hazırlıqlı idi. Amma bizdə belə deyil. İstənilən halda, ilk oyunun iki gün əvvələ çəkilməsi planlarımızı pozdu. Bir yoxlama oyununu təxirə saldı. “Makkabi” ilə qarşılaşmaya hələ 1 həftə vaxtımız var. Marinlə Abdullayevi itirsək də, Elnur Allahverdiyev oynaya biləcək. Bazar günü İsrailə gedəcəyik”.