"Hafiz Məmmədovun “Lans”ı alması Fransada Azərbaycanın nüfuzunun artmasına yönəlib"

“Baghlan Group”un və “Bakı”nın prezidenti Hafiz Məmmədovun “Lans”ın səmhlərini almasından sonra Fransada onun şəxsiyyətinə maraq daha da artıb. Futbolxeber.az-ın məlumatına görə, dünyanın ən nüfuzlu idman nəşrlərindən olan “France football” azərbaycanlı iş adamıyla bağlı yazı dərc edib.

Yazıda qeyd olunub ki, Azərbaycanın Ermənistanla müharibə şəraitində yaşadığı, Fransada “erməni soyqırımı” ilə bağlı məsələnin daim gündəmdə olduğu bir vaxtda Hafiz Məmmədovun “Lans”ı alması Fransada Azərbaycanın nüfuzunun artmasına yönəlib. “France football” yazıb ki, Hafiz Məmmədov cəsarətli addım ataraq “Lans”ın büdcəsinə 14 milyon avro köçürəcək.

Eyni zamanda yazıda yaxın gələcəkdə Hafiz Məmmədovun sponsorluq edəcəyi klubda 3-4 azərbaycanlı futbolçunun oynayacağı qeyd edilib.