"Xəzər Lənkəran" afrikalı futbolçunu transfer edir

Avroliqanın I təsnifat mərhələsi çərçivəsində “Slima” klubu ilə keçiriləcək cavab qarşılaşmasına hazırlıqlarını Maltada davam etdirən “Xəzər Lənkəran” heyətini Afrikalı futbolçu ilə gücləndirmək niyyətindədir. Futbolxeber.az-ın məlumatına görə, “Xəzər Lənkəran” klubu Afrika ölkələrindən birinin yığma komandasının üzvünü transfer edir. Məlumatda daha sonra deyilir ki, tərəflər arasında artıq ilkin razılaşma əldə olunub və çox güman komanda vətənə qayıdandan sonra bu futbolçu ilə rəsmi müqavilə imzalanacaq. Məlumatı dəqiqləşdirmək üçün klubun mətbuat katibi Hüseyn Cəbrayıloğlu ilə əlaqə saxladıq. Klub rəsmisi xəbəri təsdiq etdi. Cəbrayıloğlu həmçinin onu da bildirdi ki, futbolçunun adı və hansı ölkəni təmsil etdiyi yaxın bir iki günə mətbuata açıqlanacaq.