“Zirə” ilə oyuna kimi bəxtimiz gətirmirdi”

Topaz Premyer Liqasının XXIII turunda “Kəpəz” Gəncə şəhər stadionunda “Sumqayıt”ı qəbul edəcək. Futbolxeber.az-ın məlumatına görə, bu oyunla bağlı Gəncə təmsilçisinin müdafiəçisi Şəhriyar Əliyev klub saytına açıqlama verib: 

 

“Sonuncu oyunumuzla qarşıdakı matç arasında vaxt az olsa da, yaxşı hazırlaşmışıq. Əslində bütün görüşlərə eyni formada məşq edirik, sadəcə, “Zirə” ilə oyuna kimi bəxtimiz gətirmirdi. “Sumqayıt”a qarşı görüşdə 3 xal qazanmağa çalışacağıq, məqsədimiz qələbədir. Qarşımızda duran əsas vəzifə xal ehtiyatımızı artırmaqla turnir cədvəlində yerimizi yuxarıya doğru dəyişməkdir. Həm də Novruz öncəsi olduğundan bayrama yaxşı əhval-ruhiyyədə yollanmaq istəyirik”.