"Mütləq mərhələni keçəcəyik”

"İnter"in baş məşqçisi Kaxaber Tsxadadze "Mariehamn"a qarşı keçirilən oyunu şərh edib. Futbolxeber.az-ın məlumatına görə, gürcü mütəxəssis matçın istədikləri kimi alınmadığını bildirib: "Meydanda iki fərqli hissə oynadıq. Fəsiləyə qədər qol vursaq da, oyunumuz istədiyimiz kimi alınmadı. Düzgün pressinq edə bilmədik. Ancaq qarşılaşmanın ikinci yarısında oyuna tam üstünlük yaratdıq. Xüsusilə əvəzetmələrdən sonra, daha yaxşı mübarizə apardıq. Nə qədər qol şansı əldə etsək də, təəssüf ki, istədiklərimizi reallaşdırmağı bacarmadıq. Əvəzində, özümüz öz qapımıza qol saldıq. Buraxdığımız top bərbad idi. Beynəlxalq səviyyəli oyunlarda belə qol buraxmaq olmaz. Ancaq ruhdan düşmək də lazım deyil. Biz səfərdə rəqibə qalib gəlib, mütləq növbəti mərhələyə keçəcəyik”.