"Əgər, "İnter"lə oyunda topu özümüzdə saxlaya bilsək..."

Bu gün Avroliqanın ilk təsnifat mərhələsi çərçivəsində Bakıda "İnter"in qonağı olacaq "Mariehamn"ın qapıçəsə Peter Enkelman qarşıdakı görüş haqda danışıb. Futbolxeber.az-ın məlumatına görə, 36 yaşlı əlcək sahibi Bakı şəhəri haqda da xoş sözlər deyib: "Avroliqada oynamaq klub üçün uğurdur. Futbolçuların əksəriyyəti Avroliqada heç oynayıb və bugünkü oyun bizim üçün böyük hadisədir. Bakı Türkiyə kimi Avropanın cənubunda yerləşir. Burada böyük köhnə yollar var. Ancaq şəhərdə yenidənqurma işləri gedir. Bakı milyonlar şəhəridir və bunu canlı görmək çox xoşdur. Bəzi futbolçular elə hava limanında müsahibə verdilər. Bizə qarşı münasibət yaxşı idi. Daha sonra polisin nəzarəti ilə hava limanından Bakının boş küçələrindən keçərək qalacağımız otelə yollandıq. "İnter"in oyunlarının videoyazılarını izləmişik. Artıq rəqibin necə oynadığından xəbərimiz var. Ancaq oyun ərzində də onların oyununa diqqət yetirməliyik. Öz oyunumuza gəldikdə isə səhvlərimizi aradan qaldırmalı və müdafiədə sərt oynamalıyıq. Topa ələ keçirdikdə mümkün qədər onu özümüzdə çox saxlamalıyıq. Əks təqdirdə "İnter" bizə çətin anlar yaşadacaq. Əgər topu özümüzdə saxlaya bilsək, yaxşı nəticəyə ümid etmək olar".