”Xəzər Lənkəran” Nildo və Benouahisiz məşq etdi

UEFA Avropa Liqasının I təsnifat mərhələsi çərçivəsində “Slima” ilə oyundan sonra da Maltada qalan “Xəzər Lənkəran”, bir günlük istirahətdən sonra məşqlərini bərpa edib. Futbolxeber.az-ın məlumatına görə, günün nəzərdə tutulan yeganə məşqi təbii örtüklü meydandan keçirildi. Zədəli futbolçulardan Junior Nildo və Zoahir Benouahi istisna olmaqla bütün futbolçular məşqə qatılmışdılar ki, saat yarım davam edən hazırlıqda komanda fiziki və taktiki planda çalışmaları yerinə yetirdilər. Son olaraq qeyd edək ki, bu səhər Maltada keçirilən tibbi müayinədən sonra mərakeşli futbolçu Benouahinin zədəsinin ciddi olmadığı aşkarlanıb.