Dalaşan futbolçular və “Zirə”nin məşqçisi cəzalandırıldı

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, toplantıda uşaq liqaları ilə bağlı da cəzalar açıqlandıb. Sizi həmin qərarlarla tanış edirik:

 

(27 fevral 2017-ci il) Bakcell U-17 Liqasında “Zirə” – “Neftçi” matçı başa çatdıqdan sonra qonaq komandanın futbolçusu Mehman Mənsimov və ev sahibi komandanın futbolçusu Ramil Məmmədbağırov dava-dalaşda iştirak etdiklərinə və kütləvi insidentin yaranmasına səbəb olduqlarına görə hər iki futbolçu 5 oyun cəzalanıb. Hər iki kluba  xəbardarlıq olunub ki, bu halın yenidən baş verəcəyi təqdirdə onları daha ciddi sanksiyalar gözləyir.

 

(26 fevral 2017-ci il) U-16 Liqasında “Zirə” – “Vətən” matçının 66-cı dəqiqəsində ev sahibi komandanın məşqçisi Rəşad Hüseynov texniki zona qaydalarını pozduğuna görə meydandan kənarlaşdırıldığı üçün 1 oyun cəzalanıb.

 

(23 fevral 2017-ci il) U-16 Liqasında “Kəpəz” – “Qəbələ” matçının 72-ci dəqiqəsində qonaq komandanın futbolçuları - İbrahim Camalovla   Nicat Oruclu və ev sahiblərinin oyunçuları - İsmayıl Məmmədovla Fərid Soltanzadə dava-dalaşda iştirak etdiklərinə görə hər dörd futbolçu 5 oyun cəzalanıb.