“Qarabağ” “Skenderbeu”nu məğlub etdi

"Qarabağ" Antalyada təlim-məşq toplanışını davam etdirir.

Futbolxeber.az saytının məlumatına görə, Ağdam klubu bu gün ilk yoxlama oyunu keçirib. Qurban Qurbanovun komandası Albaniyanın "Skenderbeu" klubu ilə qarşılaşıb.

“Qarabağ” qarşılaşmaya Şahruddin Məhəmmədəliyev, Rəşad Sadıqov (k), Bədavi Hüseynov, Maksim Medvedev, Ansi Aqolli, Qara Qarayev, Rahid Əmirquliyev, Dani Kintana, Miçel, Ağabala Ramazanov və Dino Ndlovudan ibarət "11-lik"lə başlayıb.

43-cü Ağabala Ramazanov matçın taleyini həll edən yeganə qolu vurub.

İkinci hissəyə isə “Qarabağ” fərqli heyətlə (Boyan Şaranov, Elvin Yunuszadə, Elgün Uluxanov, Arif Daşdəmirov, İlqar Qurbanov, Eltun Turabov, Riçard Almeyda, Muarem Muarem, Vüqar Nadirov, Əfran İsmayılov, Mahir Mədətov) çıxıb.

Matçın 71-ci dəqiqəsində isə Elgün Uluxanovu baxışda olan Rinat Hüseynov, Eltun Turabovu isə Elçin Rəhimli əvəzləyib.