“Feyenord”un futbolçusu AFFA-nın dəvətini qəbul etdi

“Feyenord”un U-19 və U-21 komandalarında çıxış edən Ozancan Kökcü Azərbaycan yığmasından təklif alıb.

Futbolxeber.az saytının “sporliva.com”a istinadən verdiyi məlumata görə, Kökcünün U-21 millimizə cəlb olunması üçün artıq Hollandiya klubuna müraciət edilib. Gənc futbolçu U-21-in yanvarın 7-dən etibarən gənclər yığmamızın Antalyada start götürəcək təlim-məşq toplanışına qatılmağa razılıq verib.

Qeyd edək ki, istedadlı futbolçunun “Feyenord”la müqaviləsi bu mövsümün sonunda bitir. Bu günlərdə Kökcü “Mançester Siti”dən təklif alıb. Eləcə də “Latsio” onunla yaxından maraqlanır.