Pesalli: “Vurduğum son 4 qolu onlara həsr edirəm”

"Neftçi"nin bir neçə gün öncə braziliyalı futbolçu Jonas Pesalli ilə yolarını ayırması ilə bağlı yazmışdıq. 

 

Futbolxeber.az-ın məlumatına görə, 26 yaşlı hücumçu gedişi ilə bağlı “Facebook” profilindən açıqlama yayıb. Cənubi amerikalı hər kəsə təşəkkür edib: 

 

“Neftçi” haqqında xoş sözlər yazmaq istəyirəm. Doğrudan da son 3 ayda mənə yaxşı münasibət göstərdilər. Özümü orada evdəki kimi hiss edirdim. Rəhbərliyə, baş məşqçiyə, futbolçulara “sağ ol” deyirəm. Mənim üçün yeni qapı açıldı və oranı tərk etdim. Ümid edirəm ki, onlarla yenidən görüşəcəyik. 5 il Avropa karyerasından sonra vətənə dönmək xoşdu. Artıq burada oynamaq istəyirəm. “Neftçi” azarkeşlərinə təşəkkür edirəm. Vurduğum son 4 qolu onlara həsr edirəm. Yaddaşımda daim ən yaxşı kimi qalacaqsız”.

 

Qeyd edək ki, "Neftçi"yə cari mövsümün gedişində gələn Pesalli 4 qol vurub. Bunun 1-i Premyer Liqada, 3-ü kubokda olub.