Marçin Brosz: "Qarabağ"ın zəif və güclü cəhətlərini öyrənmək üçün..."

"Qarabağ"ın Avropa Liqasının II təsnifat mərhələsindəki mümkün rəqibi olan Polşanın "Piast Qilavitse" klubunun baş məşqçisi Marçin Brosz Makedoniyada baş tutacaq "Metallurq" - "Qarabağ" matçını stadiondan canlı izləyəcək. Futbolxeber.az-ın məlumatına görə, bu barədə polşalı mütəxəssisin özü məlumat verib: "Metallurq" - "Qarabağ" matçını izləmək üçün Makedoniyaya gedəcəyəm. Çünki məhz bu iki rəqibdən biri II təsnifat mərhələsində rəqibimiz olacaq. Ancaq onu deyim ki, artıq "Qarabağ" haqda müəyyən məlumatlar əldə etmişəm. Bu komandanın zəif və güclü cəhətlərini öyrənmək üçün cari mövsüm Azərbaycan Premyer Liqası çərçivəsində baş tutan "Qarabağ" - "Neftçi" (1:2) matçının videoyazısını izləmişəm. Ola bilsin ki, biz elə "Qarabağ"la oynadıq. Çünki "Qarabağ" üç il öncə "Metallurq"u ümumi hesabda 5:2 məğlub edərək növbəti mərhələyə adlamışdı".