Ramin Musayev: “Millidə oynayanlar yalnız “Bakı” və “Neftçi”nin yetirmələridir”

Peşəkar Futbol Liqasının prezidenti Ramin Musayev Topaz Premyer Liqasındakı legioner limitinin avrokuboklarda mübarizə aparan klubların çıxışına mənfi təsir göstərməsi ilə bağlı fikirlərə münasibət bildirib.

Futbolxeber.az saytının məlumatına görə, newsport.az-a müsahibəsində Musayev bununla bağlı deyib: “Limiti qaldırsaq, yerli oyunçuları hara göndərək? Bəs millini fikirləşməyək? Mən legioner limitinin klubların avrokuboklardakı çıxışına mənfi təsir göstərdiyini düşünmürəm. Problem yaranmaması üçün uşaq futboluna diqqət ayırmaq və güclü yerli oyunçular yetişdirmək lazımdır. Bu gün yığmalarımızda top qovan futbolçular yalnız “Bakı” və “Neftçi”nin yetirmələridir. Niyə ancaq bu klublar işləyir? O uşaqların da çoxsu mənim klubda işləyən vaxtlarımda yetişib. Heç bir klubun uşaq futboluna diqqətindən razı deyiləm”.