Ölkə futbolu
Prosineçki: “Azərbaycan millisində indi də siqaret çəkən futbolçu var” (MÜSAHİBƏ)
Futbol üzrə Azərbaycan milli komandasının baş məşqçisi Robert Prosineçki “Qafqazinfo”ya maraqlı açıqlamalar verib.
Futbolxeber.az sizi xorvatiyalı mütəxəssisin müsəhibəsi ilə tanış edir:
- Berti Foqtsun gedişindən və sizin gəlişinizdən sonra Azərbaycan millisi uğurlu çıxış etməyə başladı.DÇ-2018-in seçmə mərhələsində 4 oyundan sonra 7 xalımız var. Komandada nəyi dəyişdiniz?
- Bu suala cavab vermək çətindir. Məndən əvvəl burda olan həmkarım haqqında danışmağı sevmirəm. Sözsüz ki, komandada dəyişikliklər oldu. Əsasən gənc futbolçular milliyə dəvət aldılar. Sistemimiz də dəyişdi və daha çox topla oynamağa başladıq. Komanda təkcə müdafiə olunmur. Seçmə mərhələdən öncə kimsə desəydi ki, Azərbaycan yığması 4 oyundan sonra 7 xal yığacaq heç kim inanmazdı. Hiss olunur ki, 3 oyundan sonra olan məğlubiyyətsiz seriya ölkədəki futbol azarkeşlərində eyforiya yaratdı. Şimali İrlandiyaya 0:4 hesablı məğlubiyyətdən sonra bu eyforiya "yatdı". Hər şeyi nəzərə alsaq, seçmə mərhələyə yaxşı başlamışıq. Bizim evdə kifayət qədər vacib oyunlarımız var. Şansımız qalır. Bu çətin qrupda ikinci yeri tuta bilərik.
- Bunun davamını gətirmək üçün sizə nə lazımdır?
- Əlimizdən gələni edəcəyik ki, hər şey istədiyimiz kimi getsin. Amma Azərbaycan futbolundakı problemlər hər kəsə bəllidir. Çempionatın keyfiyyəti çox aşağıdır. Biz bunu qaldırmasaq, çətin olacaq. Nəzərə alın ki, millidə çıxış edənlərin əksəri Azərbaycan çempionatında top qovur. Ölkədə cəmi iki yaxşı komanda var – “Qarabağ” və “Qəbələ”. Digərlərində ya yaxşı futbolçu yoxdur, ya da maliyyə problemləri komandanı sıxır. Keyfiyyət yuxarı qalsa, milli daha yaxşı oynayar. Yığmanın üzvlərindən legioner həyatı yaşayanlar isə heç də həmişə əsas heyətə düşmürlər. Bu da böyük problemdir. Onlar daim oynamalıdırlar ki, komandaya xeyirləri dəysin. Siz Almaniya, Şimali İrlandiya, Çexiya və Norveçin futbolçularına baxın. Daim yüksək səviyyəli oyunlarda meydana çıxırlar. Bizdə isə elə deyil. “Qarabağ” və “Qəbələ” Avropa Liqasında oynayırdılar. Onların futbolçuları güclü rəqiblərə qarşı çıxış edirdi. Amma bu da azdır. Yəni onunla hər şeyi həll etmək olmaz. Güclü millilərə qarşı yüksək səviyyədə futbol təcrübəsi ilə çıxış etmək lazımdır. Millinin uğurunun açarı da klublardadır. 2017-ci ilin mart ayında Almaniyaya qarşı oynayacağıq. Yaxşı çıxış etməyə və sonrakı ev oyunlarında xal qazanmağa çalışacağıq. Gördüyümüz çox kiçik bir işığa doğru da inanaraq gedəcəyik. Yaxşı hazırlıq da bizim üçün vacibdir. Bizə hər kəs - mətbuat, azarkeşlər də dəstək olmalıdır. Norveçlə oyundakı qələbədə azarkeşlərin dəstəyi də bizə kömək oldu.
- Şimali İrlandiyaya 0:4 hesablı məğlubiyyət futbolsevərləri eyforiyadan ayıltdı. Bəs, futbolçular burdan nə götürdü?
- Hesab oyuna görə olmadı. Üç qolu standar vəziyyətdən buraxdıq. Gələcəkdə belə səhvlərə yol verməməyə çalışacağıq. Onlar göstərdilər ki, standart vəziyyətlərdən çox güclüdürlər. Düzdür, razı qalmadım. Çünki şanslarımız var idi. Almaniyaya qarşı çətin oyundan öncə yoldaşlıq görüşü keçirsək, yaxşı olar. Keçirməsək də, bəhanə axtarmayacam. Bundan əvvəl də heç vaxt deyinməmişəm.
- Bir az futboldan kənar...Sələfiniz Berti Foqtsdan fərqli olaraq ailənizlə Bakıda yaşayırsınız. Futbolun nömrə 1 sayıldığı İspaniya və Xorvatiyadan fərqli olaraq burda yaşamaq, işləmək çətin deyil?
- Mən burda yaşamaqdan və işləməkdən zövq alıram. Ailəm də Bakıda yaşamaqda çətinlik çəkmir. Bakı gözəl şəhər, Azərbaycan da gözəl ölkədir. Burda yaşamaq üçün hər şey var. Təkcə, anam və qardaşım üçün darıxıram. Başqa hər şey gözəldir. Çox futbola baxıram. Darıxmağa da az vaxtım olur. Futbolçularımın çoxu ölkə çempionatında çıxış etdikləri üçün onları izləyirəm. Burda yaşamağım oyunlara baxmağıma kömək edir və seçimimi daha rahat edirəm.
- Övladlarınız burda məktəbə gedir. Hansı dildə təhsil alırlar və razısınız?
- Övladlarımın təhsilinə böyük önəm verirəm. Burda “Tizen Məktəbi”ndə oxuyurlar. Bu beynəlxalq fərdi məktəbdir. Heç bir problem yoxdur. Bu məktəb bütün dünyada tanınır.
- Xorvatiya prezidenti Kolinda Qrabar-Kitaroviç Bakıya səfərə gəldi və Azərbaycan prezidenti İlham Əliyevlə görüşdü. Həmin görüşdə siz də iştirak etdiniz. Ökə başçıları sizinlə nə danışdılar?
- Cənab prezident məni şam yeməyinə dəvət etmişdi. Çox xoş bir atmosfer idi. Ölkə başçısı İlham Əliyevlə tanış olmaq sevindiricidir. O futbol azarkeşidir. Nəticələrə görə mənə təşəkkür etdi. Son illərdə ən uğurlu çıxış olduğunu bildirdi. Bu mənim üçün xoş bir hal idi. Cənab prezidenti bu sevindirir. Biz də çalışacağıq ki, davam etdirək. Mən Xorvatiyada tanınmış bir insanam. Avropadakı çıxışlarıma görə hər kəs Prosineçkini tanıyır. Çünki futbol bizdə bir nömrəli idman növüdür. Ona görə də Xorvatiya prezidenti bura gələndə mənimlə görüşdü. Ölkə başçıları bildirdilər ki, mən həm Azərbaycanda Xorvatiyanın, həm də Xorvatiyada Azərbaycanın ən yaxşı səfiriyəm. Çox xoşdur. Onlarla söhbət məni sevindirdi və tanışlığa görə fəxr edirəm.
- Bəs, sizin görüşünüz əvvəlcədən planlaşdırılmışdı?
- Bir gün əvvəl Xorvatiya prezidenti ilə şam yeməyində idik. Bildirdi ki, sabah Azərbaycan prezidenti bizi şam yeməyinə dəvət edib və ora siz də gəlin. Gözlənilməz oldu, çox sevindim.
- Bir müddət öncə ölkənizin mətbuatı Zaqrebdə biznesiniz olduğu barədə yazmışdı. Futbolla biznesi bir arada necə idarə edirsiniz?
- Mən bizneslə məşğul olmuram. Bu yazılanlar həqiqətə uyğun deyil. Bizdə padel adlı idman növü var, tennisə oxşayır. Onun üçün dostlarım meydança yaratdılar. Mən də onlara kömək etdim. Xorvatiyada çox məhşur idman növüdür. Digər ölkələrdə tanınmır.
- Bir neçə ay öncə sizin futbol oynadığınız zamanlarda siqaret çəkdiyinizlə bağlı video mətbuatda səs-küy yaratdı. Təbii ki, futbolçu Prosineçki ilə Azərbaycan millisinin hər hansı üzvünü müqayisə etmək mümkün deyil. Amma sizin komandada siqaret çəkən bir futbolçu olsaydı, onu heyətdə saxlayardınız, yoxsa qovardınız?
- Ola bilsin ki, Azərbaycan millisində indi də siqaret çəkən futbolçu var. Onu görsəm, sözsüz ki, deyəcəm bu yaxşı deyil. Mən karyeramı boyu həmişə siqaret çəkmişəm və bunu təkzib etmirəm. Tanıdığım çox sayda belə məhşurlar var. Amma onlar meydana çıxıb öz futbollarını oynamağı bacarıblar. Əgər bir futbolçu siqaret çəkməklə də oyununu itirmirsə, hər şeyi düzgün tənzimləyirsə, problem yoxdur. Bu onun şəxsi işidir. Amma cana ziyandır və çəkməmələri daha yaxşıdır.
- Qolunuzdakı döymələri ilk dəfə belə görürük. Onlar hamısı futbolla bağlıdır?
- Döymələrin futbola heç bir aiddiyatı yoxdur. Hamısı ailəmlə bağlıdır. Həyat yoldaşımın və qızlarımın adını qoluma yazdırmışam. Bu döymə elə bir xəstəlikdir ki, bir dəfə edəndən sonra davamını istəyirsən.
- Hazırda “Qəbələ”də çıxış edən Ruslan Qurbanov vaxtilə Xorvatiyanın “Hayduk” klubuna gedərkən də, “Xəzər Lənkəran”ın sabiq üzvü Elnur Cəfərov “Duqopolye” ilə müqavilə bağlayarkən də bu transferlərdə sizin adınız hallandı. Birbaşa xorvat klublarına onları sizin təklif etdiyiniz deyildi...
- Ruslan Qurbanovla bağlı məndən soruşdular. “Hayduk”dan zəng edib onun haqqında fikirlərimi soruşdular. Dedim ki,yaxşı futbolçudur. Təəssüf ki, həmin vaxt “Hayduk”un həmin vaxt maddi durumu yaxşı deyildi. Elnurla bağlı isə heç bir fikrim olmayıb.
- Türkiyə Superliqasında mübarizə aparan “Kayserispor”da çıxış edən Ufuk Budakın milliyə dəvət almaması sizi tənqid hədəfinə çevirdi. Onun çağırılmaması sırf sisteminizə uyğun gəlmədiyi üçündür?
- “Kayserispor” hazırda Türkiyədə sonuncu pillədədir. Ufuk Budakla da heç bir problemim yoxdur. O mənim sistemimə uyğun futbolçu deyil. Avstriyadakı təlim-məşq toplanışına onu çağırmışdıq. Gözlədiyim və gördüyüm fərqli-fərqli şeylər idi.
- “Qarabağ”ın Avropa Liqasının qrup mərhələsindən son anda çıxa bilməməsinin səbəbi kimi nəyi düşünürsünüz?
- Bayaq milli komanda haqqında dediklərim burda da keçərlidir. Çempionatın səviyyəsi aşağıdır. Sizə bir misal çəkəcəm: “Qarabağ”ın “Nefçti”ni 2:0 hesabı ilə udduğu oyuna baxın. Qurban Qurbanovun komandasının müdafiə xətti həmin matçın gedişində çay da içə bilərdi. “Neftçi”nin heç bir sürətli hücumu olmadı. Amma qarşılarına Nikola Kaliniç kimi hücumçu çıxanda hər şey fərqli olur. “Qarabağ” və “Qəbələ” çempionatda rəqiblərini rahatlıqla uda bilir. “Fiorentina”, “Maynts” kimi komandalarla oyunda isə səviyyə fərqi görünür. “Qarabağ” və ya “Qəbələ” bu çempionatla qrupda yalnız bir oyunda çox uğurlu çıxış edər. 3-4 matç ardıcıl güclü futbol göstərməsi mümkün deyil. Rəqabətsiz şəraitdə belə güc göstərmək çətindir. Nikola Kaliniçin 40 milyon avro qiyməti var, Milan Badelin 30 milyon avro...Sözsüz ki, pul hər şeyi həll etmir. Amma bu qiymətlər həmin oyunçuların keyfiyyətinə görədir. “Fiorentina” “Yuventus”, “Milan”, “Napoli” ilə oynayır. “Qarabağ” isə “Sumqayıt” və AZAL-a qarşı. Dünənki “Qarabağ”ın “Sumqayıt”ı 6:0 udduğu oyunu izləyin. Ağdam klubunun futbolçuları heç meydanda tərləmədilər də. Rəşad Sadıqov və Bədavi Hüseynov kimi oyunçular belə oyunlarda kofe içirmiş kimi oynayırdılar. Bu Xorvatiya çempionatına da aiddir. Zaqreb “Dinamo”su da çempionatda hamını udur. Amma gedib Çempionlar Liqasında bütün oyunlarda uduzdu. Şimali İrlandiyanın heyətində oynayanlar İngiltərə çempionatında çıxış edir. “Vest Bromviç”in müdafiəçiləri “Çelsi”nin hücumçuları Dieqo Koşta və Eden Azara qarşı əla oyun göstərdilər. Fərqi təsəvvür edirsiz. Onlar hər həftəsonu belə oyun keçirirlər.
- Azərbaycan mentalitetinin futbolçularımıza mane olduğu dəfələrlə müzakirə mövzusu olub. Yəni xaricə gedənlər də “vətən üçün darıxıram” deyib qayıdırlar...
- Bununla razıyam. Amma təkcə mentalitet problemi deyil. Keyfiyyət də futbolçulara mane olur. Yəni bir futbolçu, azərbaycanlı oyunçu xaricə gedir və ilk aylarda özünü göstərə bilmirsə, sonra da darıxıb qayıdır. Niyə Riçard Almeydanın, Dani Kintananın problemi yoxdur. Riçi Azərbaycana gəlib pul qazanır və həm də göstərir ki, o peşəkardır, komandanın vacib fiqurlarından biridir. Oyunu alınmayanda da “döyüşür”.
- “Qəbələ”nin yarımmüdafiəçisi Filip Ozobiçin Xorvatiya millisinə dəvət almasından xəbərdarsınız?
- Bundan xəbərim var. Çində turnirə qatılacaqlar. Çempionat olmasına baxmayaraq “Qəbələ” ona icazə verib. Çox yaxşı haldır. Təbii ki, gələcəkdə Ozobiçin Xorvatiya millisinə düşməsi çətin olacaq. Allah ona kömək olsun. Avropanın top çempionatında mübarizə aparan futbolçular var ki, yığmaya çağırılmır. Məsələn, “Milan”da Mario Pasaliç, “Napoli”də Roq və s. Onun mövqeyində İvan Rakitiç, Luka Modriç və Mateo Kovaçiç var. Hansı ki, “Barselona” və “Real”da oynayırlar.
- “Qarabağ”ın yarımmüdafiəçisi Əfran İsmayılovu “Prosineçkinin sevimli futbolçusu” adlandırırlar...
- Mənim sevimli futbolçum yoxdur. Əfran Azərbaycanda ən istedadlı oyunçudur. Onun haqqında çox şey eşidirəm. Deyirlər ki, peşəkar şəkildə məşqlərə yanaşmır, üzərində az işləyir. Çempionatın son turunda “Qarabağ” – “Qəbələ” oyununda son dəqiqədə etdiyi hərəkəti Azərbaycanda yalnız Əfran edə bilər. O, peşəkar şəkildə məşq etsəydi, Avropanın top klublarında ola bilərdi. Əfran həmin futbolçudur ki, tələb etdiyim hər şeyi meydanda edir. Şimali İrlandiya ilə matçda Deniz Yılmaza verdiyi ötürməni unutmaq lazım deyil.
- “Barselona” və “Real” kimi klubların hər ikisində çıxış etmisiz. “El Klasiko”da kimə azarkeşlik edirsiz?
- “Barselona”nın oynadığı futbol mənə görə daha yaxşıdır. Onlar xoşuma gələn futbol nümayiş etdirirlər. Messi, Neymar kimi oyunçular futbolun gözəlliklərini göstərirlər. Amma ümumilikdə hər iki klub möhtəşəmdir. Mənim bəxtim gətirib ki, hər ikisində çıxış etmişəm. İlk dəfə “Real”da oynamışam və daha çox oyun keçirmişəm. Bu komandalar arasındakı oyun tamaşadır. “El Klasiko”da “Real”a azarkeşlik edirəm.
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Hələlik çempionatda 10 komanda qalmalıdır”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- “Qarabağ”ın mükafatlandırma mərasiminin yeri və məkanı dəyişdi - ÖZƏL
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
19:25
“Neftçi”də Emin Mahmudovun “torbası tikilir”?
-
18:59
II Liqa: Ev sahibləri üçün uğursuz gün
-
18:33
Şehiç milli karyerasını başa vurdu
-
17:17
Azərbaycan bədii gimastı Dünya Kubokunda iştirak edəcək
-
16:44
"Araz-Naxçıvan"dan "qızıl dubl"
-
16:26
Azərbaycanlı güləşçinin oğlu ABŞ-da ötən ilin ən yaxşısı seçilib
-
15:57
Azərbaycan parakarateçiləri Avropa çempionatında iştirak edəcəklər
-
14:30
AFFA İcraiyyə Komitəsinin üzvü: “Hələlik çempionatda 10 komanda qalmalıdır”
-
14:12
Millimizin üzvü: "Xorvatiyaya qarşı layiqli mübarizə aparmağa çalışacağıq"
-
13:58
Millimiz Türkiyəyə də uduzdu
-
13:39
Faiq Qarayev: "İstəyim odur ki, voleybol Azərbaycanda öz yerini tapsın"
-
13:01
Bakıda keçirilən atıcılıq üzrə Dünya Kubokunda növbəti medallar sahibini tapıb
-
12:45
Azərbaycanın millisi Qızıl Avropa Liqasına hazırlıqları davam etdirir
-
12:24
“Gəncə” baş məşqçisi ilə bağlı qərarını açıqlayıb
-
11:57
"Formula 1": Bakıdakı yarış üçün marşalların təliminə başlanılıb
-
11:33
Musa Qurbanlı “Yurqorden”in U-21 komandasında fərqləndi
-
11:19
Cəlal Hüseynov 90 dəqiqə oynadı
-
11:08
"Mançester Yunayted" darmadağın oldu VİDEO
-
10:52
Azərbaycan karateçiləri Avropa çempionatında mübarizə aparacaqlar
-
10:46
"Lill" - "Lion" matçında 7 qol VİDEO
-
10:35
Kapitan: "Yarımfinalda favorit yoxdur"
-
10:24
"Atalanta"dan əzmkar qələbə VİDEO
-
10:13
"Traktor" səfərdə 3 xal qazandı
-
09:59
"Napoli" sonda qələbəni əldən verdi VİDEO
-
09:47
Krivotsyukun qolu kifayət etmədi
-
09:30
"Fənərbaxça" çempionluq yolunda ağır zərbə aldı VİDEO
-
22:00
Diniyev: "Deyiləcək söz yoxdur"
-
21:41
Sxadadze ilk qələbəsini şərh etdi
-
20:55
"Səbail" "Qəbələ"yə məğlub oldu
-
18:37
Azərbaycan və Kosta Rika Gimnastika Federasiyaları arasında memorandum imzalanıb
-
18:06
"Səbail" - "Qəbələ": Heyətlər açıqlandı
-
17:52
Avropa çempionatında iştirak edəcək Azərbaycan taekvondoçuları bəlli olub
-
17:25
Bakı dünyanın "İdman Paytaxtı” seçilib
-
17:14
"Kocaelispor"un prezidenti Ramilin oyunundan narazı qalıb
-
16:43
Azərbaycanın beynəlxalq kateqoriyalı güləş hakimlərinin sayı artıb
-
16:09
Nazir Ülviyyə Fətəliyevanı qəbul edib
-
15:51
II Liqada hakim təyinatları
-
15:38
Azərbaycan üzgüçüləri Rusiyada 9 medal qazanıblar
-
15:17
Millimizin yeni rəqibi açıqlandı
-
14:49
“Qarabağ”ın mükafatlandırma mərasiminin yeri və məkanı dəyişdi - ÖZƏL
-
14:22
Azərbaycan Basketbol Liqasında yarımfinal oyunlarının tarixləri dəqiqləşib
-
14:05
Bakıda keçirilən atıcılıq üzrə Dünya Kubokunda növbəti mükafatçılar müəyyənləşib
-
13:53
Avropa çempionu olan Ülviyyə Fətəliyevaya mahnı həsr edilib
-
13:36
Azərbaycanı Avropa çempionatlarında 22 samboçu təmsil edəcək
-
13:14
Millimizin seçmə mərhələdəki oyunlarının vaxtı açıqlanıb
-
12:47
Azərbaycan kuboku: Final öncəsi kapitanlardan atmacalı açıqlama
-
12:28
İldar Alekperov: "Həlledici zərbələr çatışmırdı"
-
11:59
Region Liqasında yarımfinal mərhələsinin təqvimi müəyyənləşib
-
11:31
Azərbaycanlı futbolçunun komandasında qalmaqal: "5 aydır köhnəlmiş çörək yeyirik"
-
11:15
"Neftçi"nin təkrarlanan antirekordu