Ölkə futbolu
Ayın ən yaxşısı: “Hamıya demişdim ki, bu oyunda qol vuracağam” (MÜSAHİBƏ)
Bir neçə gün öncə I Divizionda noyabr ayının ən yaxşı qolunun müəllifi müəyyənləşib. Peşəkar Futbol Liqasının azarkeşlər və idman jurnalistləri arasında keçirdiyi sorğunun nəticəsinə əsasən, “Bakılı”nın futbolçusu Nurlan Məmmədzadə birinci olub. PFL-in saytında keçirilən sorğu zamanı azarkeşlərin 62 faizinin səsini qazanan Məmmədzadə jurnalistlərin seçimi zamanı da rəqiblərini üstələyib. Nurlan bununla və karyerası ilə bağlı Futbolxeber.az saytının suallarını cavablandırıb. Sizi həmin müsahibə ilə tanış edirik:
- “Səbail”in qapısından keçirdiyin top noyabr ayının ən yaxşı qolu seçildi. Bu barədə təəssüratlarını öyrənmək istərdik…
- Əlbəttə ki, sevindim. Sadəcə olaraq, mənim sevincim 5 qat artıq oldu. Çünki “Şahdağ”da olarkən həmin komandada - “Səbail”dən Elman Sultanov (baş məşqçi) məni çağırmışdı. Şəxsiyət vəsiqəmi, sənədlərimi məndən almışdı. Çempionatın başlamasına bir ay qalmış isə sənədlərimi geri qaytardı və “bizdə alınmır” dedi. Mən də dedim ki, bəs məni niyə çağırıb, 40 gün komandada saxlamısan? O da dedi ki, mənlik bir şey yoxdur. Mən də məcbur olub “Bakılı”ya getdim. Belə olanda isə vurduğum qola, istər-istəməz, çox sevindim. Düzdür, həmin matçda böyük hesabla uduzduq. Amma komandamızda maddi vəziyyət, şərait yaxşı olsaydı, onları rahatlıqla uda bilərdik. Səhv başa düşülməsin, amma “Bakılı” mənim üçün axırıncı variant idi. Çünki məni orada (“Səbail”) saxladılar və çempionatın başlamasına 1 həftə qalmış özümə komanda tapmalı idim. Özünüz də yaxşı bilərsiniz ki, “Bakılı” şəraitsizlikdən məktəbin həyətində məşq edən komandadır.
- Belə anlaşılır, bu oyuna xüsusi olaraq, köklənmişdin…
- Bəli. Hamıya da demişdim ki, bu oyunda qol vuracağam. Yəni özümə o qədər güvənirdim. Şükürlər olsun ki, istəyimə də nail oldum.
- Son 3 aydır ki, ayın ən yaxşı qolu seçilir. Həmin qolu vuranda bundan xəbərin var idi?
- Bəli, var idi.
- Bəs həmin topu qapıdan keçirməmişdən əvvvəl fikirləşdinmi ki, elə zərbə vurum ki, baxımlı, seçilən qol olsun? Belə gözəl qol vurmaq üçün məşqlərdə çalışırdın, yoxsa təsadüfən alındı?
- Məşqlərdə belə qollar tez-tez vururam. Lakin bu dövrə zədə səbəbindən az forma şansı qazandım. Bu oyuna isə özümü sübut etmək üçün çıxmışdım. Deməzdim ki, bu matça ayın ən yaxşı qolunu vurmaq üçün hazırlaşıb çıxmışdım. Amma qol vurmaq fikrində idim.
- Belə çıxır ki, ayın ən yaxşı qolunun müəllifi seçilməkdən çox “Səbail”i məyus etdiyinə görə sevinmisən…
- Bəli. Tamamilə doğrudur.
- Bu mükafata səninlə yanaşı, başqa namizədlər də vardı. Bəs sən hansı qola səs verərdin?
- Açığı, mənim Ruslan Tağızadənin qolundan çox xoşum gəldi. Mən ona səs verərdim. Sadəcə olaraq, onun qolu bir az yaxın məsafədən vurulmuşdu.
- Bu qola görə mükafat da verəcəklər. Bununla bağlı sənə nəsə deyiblər?
- Açığı, mükafatla bağlı hələ ki heç bir xəbər yoxdur. Yəqin çempionat başlayanda oyun günü verərlər.
- Yəqin xəbərin olar, buna görə sənə 500 manat pul və xüsusi hədiyyə təqdim olunacaq. Səncə, bu, ayın ən yaxşı qolu üçün layiqli hədiyyədir?
- Hesab edirəm ki, I Divizion üçün yaxşıdır. Heç olmayan yerdə o da yaxşıdır.
- Ümumiyyətlə, belə mükafat aşağı liqada necə təəssürat yaradır? Sizi həvəsləndirir?
- Əlbəttə ki, yaxşı addımdır. Hər oyuna çıxan futbolçu çalışır ki, baxımlı qol vurub adını siyahıya yazdırsın. Burada oynadığıma görə demirəm. Mən 16 yaşımdan I Divizionda çıxış edirəm və buradakı oyunlar elita matçlarından da maraqlı olur. Premyer Liqada 8 komanda var və tez-tez eyni rəqiblərlə oynamaq bezdirici olur. Amma aşağı liqada komandaların sayı çoxdur. Həmçinin burada bölgə təmsilçilərinin də çox olmağı çempionata rəng qatır. Sadəcə olaraq, maddi sıxıntılar bizə çətinlik yaradır.
- Elə bölgə klublarından söz düşmüşkən, Premyer Liqa komandalarının əksəriyyəti Bakıda məskunlaşıb. Lakin I Divizionda əyalət təmsilçiləri çoxdur. Həmin klublarda çıxış etmək necədir? Azarkeşlər sizi necə qəbul edir?
- Misal üçün onu deyə bilərəm ki, mən ötən mövsüm Qusar (“Şahdağ”) klubunda çıxış etdim. Regionlarda futbola çox gözəl maraq, münasibət var. Mən orada yad idim, yerli futbolçu deyildim. Lakin mənə çox yaxşı, doğma münasibət göstərirdilər. Elə davranırdılar ki, adamın özünə də xoş gəlirdi. Elə vaxtlar olurdu ki, pul olmurdu, lakin fanatlar var idi ki, bizə evdə yemək bişirtdirib gətirirdilər. İstərdim ki, şərait baxımından oraya kömək etsinlər. Biz keçən il oteldə qalırdıq. Amma indi uşaqlar soyunub-geyinmə otağına çarpayılar qoyub, orada yatırlar.
- Çətinlikdən söz düşmüşkən, bayaq “Bakılı”da da şəraitsizlik olduğunu qeyd etdin. Bu klubda qalmaq fikrindəsən, yoxsa gələcəklə bağlı başqa planlar qurursan?
- Hədəfim ikinci dövrə daha yaxşı komandada çıxış etməkdir. “Qaradağ Lökbatan”, MOİK kimi iddialı komandalara getmək fikrindəyəm. İstəyim baş tutsa, müqaviləmi götürüb, başqa kluba keçə bilərəm.
- Hazırda hansısa klubdan təklif almısan, ya necə?
- Bəli, təkliflər var. Misal üçün, “Şahdağ”a çağırırlar. Lakin şəxsi məsələlərimə görə evi buraxıb, Qusara gedə bilmirəm. Ümid edirəm ki, istəyim baş tutar.
- Bəs Premyer Liqada çıxış etməklə bağlı hədəfin nədir?
- Deyirlər, növbəti mövsüm Premyer Liqada 12 komanda mübarizə aparacaq. Belə olsa, əlbəttə ki, bu hər bir futbolçu üçün şansdır. Hədəflərimə çatmaq üçün hazırlıqlar da görürəm. Hazırda aşağı liqada fasilədir, amma mən yenə dayanmıram, yenə məşqlərimi edirəm.
- Fasiləyə turnir cədvəlinin sonlarında, yəni 12-ci pilləsində yollandınız. “Bakılı”nın fasilədən sonrakı taleyini necə görürsən? Komanda son pillələrdən qurtula bilər?
- Bayaq da dediyim kimi, şərait çox zəifdir. Belə vəziyyətdə komandadan nəsə gözləmək olmaz. Uşaqlar məktəbin həyətində məşq edirlər. Bir həftə adi idman ayaqqabısı ilə məktəbin həyətində məşq et, ancaq oyunda buts geyin… Belə şəraitdə onlardan nə gözləmək olar? Oyunçuları qınamaq olmur. Bu çətinliyi ancaq komandanın içində olanlar anlaya bilər. Maddi vəziyyət düzəlsə, hər şey yaxşı olar.
- AFFA danışılmış oyunlarda adı hallanan yerli futbolçuların siyahısını açıqladı. Onların arasında sənin iki komanda yoldaşın - Bəhram Bəhramzadə və Xəzər Qəribov da var. Bu barədə nə deyə bilərsən?
- Misal üçün onu deyə bilərəm ki, Bəhram 3 oyundan sonra komandadan ayrıldı. Səbəb də o idi ki, pulu olmadığı üçün oyunlara gəlib-gedə bilmirdi, yolu uzaq idi. Həmin futbolçu bu çempionatda oynamayıb. PirAllahı qəsəbəsindən gəlirdi. 3 həftədən sonra çempionatda çıxış etmədi. Onun adı necə siyahıya düşdü, anlamadım. Çünki imkanı olmadığı üçün çıxışını davam etdirə bilmədi. Dedi, gəlib-getmək pulum 5 manat tutur. Özü də ailəli adamdır, uşağı da var. Mən onlardan yaşca kiçiyəm və belə məsələlərlə də maraqlanmıram. Lakin inanmıram ki, onlar belə iş görərlər.
Söhbətləşdi: ELMAR
“Layihə AFFA yanında Media Komitəsi tərəfindən maliyyləşdirilir”
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- Klublar Komitəsinin iclası keçirilib
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”
-
16:00
ETOPAZ-ın baş sponsorluğu ilə keçirilən “Fire League”da qrup mərhələsi başa çatdı FOTOLENT
-
15:48
Millimiz Qızıl Avropa Liqası öncəsi məşqlərə start verib
-
14:52
Mingəçevirdə “Prezident Kuboku-2024” reqatasının iştirakçılarının rəsmi paradı olub
-
14:25
U-21 millimiz yoldaşlıq oyunu keçirəcək
-
14:03
AFFA 2 kluba texniki məğlubiyyət verdi
-
13:36
Azərbaycanı Göygöldə keçiriləcək Avropa Kubokunda 147 cüdoçu təmsil edəcək
02.05.2024
01.05.2024
30.04.2024
Arxiv
May 2024 |
B.e | Ç.a | Ç | C.a | C | Ş | B |
01 | 02 | 03 | 04 | 05 | ||
06 | 07 | 08 | 09 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||