Qurban Qurbanov: “Qəbələdə uduzduğumuz oyunu da bu hakim idarə etmişdi”

“Futbolçularımı təbrik edirəm. İlk dəqiqələrdən göstərdilər ki, qalib gəlmək istəyirlər”. Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov deyib.

Təcrübəli mütəxəssis Topaz Premyer Liqasının XIII turunda “Qəbələ”ni 2:1 hesabı ilə məğlub etdikləri oyun barədə bunları söyləyib: “Hesabda geri düşsək də, yekun nəticə xeyrimizə oldu. “Qəbələ” ilə münasibətlərimiz həmişə yaxşı olub. Bu komandaya, baş məşqçisinə hörmətimiz var. Qeyri-erik hərəkət edibsə, Şahruddin Maqomedaliyev mütləq cəzalanacaq. Amma ola bilsin, sevinmək hərəkəti olub”.

Qurban Qurbanov hakimliklə bağlı sualı belə cavablandırıb: “Derbi oyunlarını idarə etmək asan deyil. Qəbələdə məğlub olduğumuz matçı da bu hakim idarə etmişdi. Ümumi narazılıq mən tərəfdən də oldu, rəqib tərəfdən də. Orda penaltinin olub-olmadığını hardan bilim. “İnter”lə oyunda epizod mənim gözümün qarşısında olmuşdu, ona görə demişdim ki, “vurma”. Burda isə epizod uzaq idi”.