Qriqorçuk: “Top oyunçunun üzünə dəyir, hakim penalti təyin edir”

“Gözəl oyun izlədik. Hakimlərlə bağlı ötən mövsüm də danışmışdım. Bu mövsüm də həmin proseslər davam edir. İndi evə getmək istəyirəm, ancaq psixoloji cəhətdən komandanın yanında olmalıyam”. Futbolxeber.az saytının məlumatına görə, bu sözləri “Qəbələ”nin baş məşqçisi Roman Qriqorçuk Premyer Liqanın 13-cü turunda “Qarabağ”a 1:2 hesabı ilə uduzduqları oyundan sonra deyib.

Ukraynalı mütəxəssis hakimdən narazılıq edib: “Necə olur ki, top oyunçunun üzünə dəyir, ancaq hakim penalti təyin edir? Oyunumuz o qədər də ideal deyil. Ancaq bu gün nəyin çatışmadığını bilmirəm. Oyunun əvvəlində də, sonunda da səhvlərimiz oldu”.