“Qəbələ”dən hakimlərə sərt etiraz: olaya polis müdaxilə etdi

Topaz Premyer Liqasının 13-cü turu çərçivəsində keçirilən “Qarabağ” - “Qəbələ” oyunundan sonra gərgin anlar yaşanır.

Futbolxeber.az saytının “Azərsun Arena”da olan əməkdaşının verdiyi məlumata görə, matçdan sonra “Qəbələ” rəsmiləri baş hakim Rəhim Həsənova sərt şəkildə etirazlarını bildiriblər. İnsidentin böyüməməsi üçün polis olaya müdaxilə edib. Dərhal Peşəkar Futbol Liqasının prezidenti Ramin Musayev də hadisə yerinə gəlib. Musayev hazırda hakimlər otağındadır.

Qeyd edək ki, “Q       əbələ” “Qarabağ”la oyunda hesabda öndə olsa da, 86-cı dəqiqədə Rəhim Həsənov qonaqların qapısına şübhəli penalti təyin edib. Üstəlik, referi ikinci hissəyə 4 dəqiqə əlavə etsə də, “Qarabağ” qələbə qolunu 90+7-ci dəqiqədə vurub.