Elxan Abdullayev: “Bu komanda ilə nəsə etmək çox çətindir”

“Hər iki komandaya 3 xal lazım idi. Meydanda əzmkar oyun gördük. Futbolda öz şansından istifadə edə etməlisən. Biz bu gün şanslarımızdan yararlanmadıq. Ona görə də uduzduq”. Futbolxeber.az saytının məlumatına görə, bu sözləri “Neftçi”nin baş məşqçisi Elxan Abdullayev Topaz Premyer Liqasının 13-cü turunda “Kəpəz”ə 0:2 hesabı ilə uduzduqları oyundan sonda deyib.

Daha sonra Abdullayev jurnalistlərin suallarını cavablandırıb.

- Mövsümü artıq “Neftçi” üçün bitmiş saymaq olaüq?

- Belə deməzdim. Qarşıda hələ 15 oyun var. Maksimum xallar yığsaq, nəyə ümid etmək olar Medallar üçün şansımız azalır.

- Oyundan başqa bu gün sizi komandanızda nə qane etmədi?

- Müdafiədə pis oynadıq. 29 qol buraxmışıq. Hər oyunda qapımızda minimum 2 qol görürük. Müdafiədə ciddi problemlərimiz var.

- Bəlkə komandanı bu vəziyyətdən çıxarmaq üçün psixoloqa müraciət edəsiniz?

- Yaxşı fikirdi. Amma dövrənin sonuna az qalıb. Komandamızda psixoloji amil böyük rol oynamır. Əsas məsələ ustalıqdı.

- Amma ustalığı olanlar da seçilmirlər...

- Gözləmək lazımdır. Uduzmaq mənim də xoşuma gəlmir. Bu komanda ilə nəsə etmək çox çətindir. Heyətimizi gücləndirməliyik.