“Turan Tovuz”dan alqışlanası addım: 11 yaşlı Uğur komandanın məşqində

Futbolçu olmaq arsuzu olan 11 yaşlı Seyidəliyev Uğur “Turan Tovuz”un məşqinə dəvət olunub.

Futbolxeber.az saytına klubun mətbuat xidmətindən verilən məlumata görə, xərçəng xəstəliyindən əziyyət çəkən və müalicə üçün Rusiyaya yollanacaq Uğur məşqçi və futbolçu heyəti ilə tanış olub. Ona klubun forması, şərfi və top həddiyə olunub.

Növbəti ev oyununda "Uğur bizim olsun!" adlı xeyriyyə aksiyası təşkil olunacaq və əldə olunacaq gəlir Uğurun müalicəsinə sərf olunacaq.

Aksiya haqqda ətraflı məlumat veriləcək.