Rahid Əmirquliyev: “Qəbələ”nin xal itirməsi bizim üçün yaxşıdır”

“Qəbələ”nin xal itirməyindən xəbərim yox idi. Ancaq bu, bizim üçün yaxşıdır”. Futbolxeber.az saytının məlumatına görə, bu sözləri “Qarabağ”ın üzvü Rahid Əirquliyev deyib.

Təcrübəli yarımmüdafiəçi bildirib ki, “Qəbələ”nin AZAL-la oyunda xal itirməsi onlar üçün də gözlənilməz olub: “Qəbələ”nin xal itirməsini gözləmirdim. Həm “Qəbələ”, həm də “Qarabağ” üçün hər oyun çətin keçir. Belə davam etsə, çempionatın adı son tura qədər məlum olmayacaq”.

Əmirquliyev çempionluq mübarizəsinin “Qarabağ” və “Qəbələ” arasında keçməsi ilə bağlı fikri qəbul etməyib: “İnter” bu mübarizədən silmək olmaz. Onlar çempionatına yaxşı start vermişdilər”.

Sonda “Qarabağ”ın yarımmüdafiəçisi millinin DÇ-2018-in seçmə mərhələsində Şimali İrlandiyaya qarşı keçirəcəyi oyuna da toxunub: “Milli komandanın oyununa qədər tam hazır olacağıq. Çətin oyun olacaq, lakin yaxşı nəticə qazanmaq üçün şansımız var. Səfərdən ən azı 1 xalla qayıdacağımıza inanırıq”.