“Qarabağ”la oyun qrupdan çıxmaq baxımından çox önəmlidir”

“AEK-lə oyunda komanda istənilən kimi çıxış etmədi. Ancaq layiqli qələbə qazandıq”. Futbolxeber.az saytının məlumatına görə, bu sözləri PAOK-un baş məşqçisi Vladimir İviç Yunanıstan superliqasının son turunda AEK-ə qalib gəldikləri oyun (1:0) haqda danışarkən deyib.

Serbiyalı mütəxəssis  yerli mətbuata açıqlamasında Avropa Liqasının qrup mərhələsində sabah “Qarabağ”la qarşılaşacaqları oyun haqda da danışıb:

“Bu dəfə tam fərqli komanda ilə qarşılaşacağıq. İşimiz çox ağır olacaq. “Qarabağ”la oyun qrupdan çıxmaq baxımından çox önəmlidir. Yüz faiz gücümüzü ortaya qoyacağıq”.

Qeyd edək ki, sabah keçiriləcək PAOK – “Qarabağ” oyunu Bakı vaxtı ilə saat 00:05-də başlayacaq.

Mənbə: qol.az