“Şərurspor”un qapıçısı Saşa Yunisoğluya söz atdı: “Buna görə 2 il futbolsuz qaldın da”

I divizionun 8-ci turu çərçivəsində keçirilən “Şərurspor” - “Səbail” oyununun son dəqiqələrdinə qonaqların müdafiəçisi Saşa Yunisoğlu zədələnib. Futbolxeber.az saytının məlumatına görə, təcrübəli futbolçunun yerdə qalması meydan sahiblərinin qapıçısı Ramil Kərimovun narazılığına səbəb olub. Belə ki, o, Saşa Yunisoğlunun yerdə qalmasına bütün stadionun eşidəcəyi şəkildə etiraz edib: “Saşa, heç olmasa sən belə etmə. Sən gənclərə örnək olmalısan. Buna görə 2 il futbolsuz qaldın da”.