Baqali Dabo: "Sent Etyen" favoritdir"

“Hər kəs Sent Etyendəki futbol atmosferini görmək istəyər. Mən də bu səfər oyununda meydana çıxmağı arzulayırdım. Möhtəşəm ajiotaj olacaq”.

Futbolxeber.az saytının qol.az-a istinadən verdiyi məlumata görə, bu sözləri "Qəbələ"nin futbolçusu Baqali Dabo Fransa mətbuatına açıqlamasında deyib.

Fransalı hücumçu zədə səbəbindən sabahkı oyunu buraxacaq. O, buna görə çox məyus olduğunu bildirib: “Sent Etyen”lə oyunu buraxacağımı biləndə çox pis oldum. Həvəslə oyunu gözlədiyim bir vaxtda zədələndim. "Joffrua Gişar"da olan atmosferi həmişə xatırlayıram".

Dabo sabahkı oyunda “Sent Etyen”in daha şanslı olduğunu qeyd edib: “Azərbaycan Premyer Liqasının səviyyəsi Fransa Liqası ilə müqayisə oluna bilməz. Bu məntiqlə deyə bilərəm ki, “Sent Etyen” favoritdir. Ancaq bizim də yaxşı komandamız var. Layiqli mübarizə aparacağıq”.

Xatırladaq ki, sabah keçiriləcək “Sent Etyen” - “Qəbələ” oyunu Bakı vaxtı ilə saat 23:05-də başlayacaq.