30 Avqust 2025, Şənbə
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı
Qurbanov püşkü dəyərləndirdi

Ölkə futbolu

Fariz Nəcəfov: "Cavid Hüseynov bizi təəccübləndirdi"

"Oyuna çıxana qədər hazır olmalıdır. Komandaya yardımçı olmaq üçün edəcəyi müəyyən prosedurlar var".

Futbolxeber.az saytının məlumatına görə, bunu "Report"a "Qəbələ" klubunun vitse-prezidenti Fariz Nəcəfov komandanın sabiq futbolçusu Cavid Hüseynovla imzalanan müqavilə haqda danışarkən deyib.

O, keçmiş kapitanın onları təəccübləndirdiyini bildirib: "Cavidlə görüşdüm, danışdım. Təəccüblü olsa da, fiziki hazırlıq üzrə məşqçimiz bir gün onunla hazırlaşıb. Gözlənilənin əksinə olaraq onun fiziki forma hazırlığı aşağı deyil. Ən azından Cavid bərpaedici məşqlər üçün hazırdır. Bundan sonra formasını da bərpa edib komandaya kömək edə bilər. Bunlar hamısı texniki məsələlərdir. Klub olaraq Cavidlə müqavilə imzalamağa qərar verdik. Tez bir zamanda formaya düşüb komandaya kömək etsin".

Vitse-prezident sabiq kapitanın yenidən komandanın lideri olacağına belə münasibət bildirib: "Bu məsələlər baş məşqçi və komandanın bir neçə futbolçusu ilə məsləhətləşdirilmiş şəkildə olur. Rəhbərlik kapitanın kim olması ilə bağlı baş məşqçiyə heç bir müraciət etmir. Kim layiqdirsə, özünü lider hesab edirsə, buna uyğun addım atırsa, o da kapitan olur".

Klub rəsmisi müqavilənin mövsümün sonunadək imzalanmasından da danışıb: "Belə məsləhət oldu ki, mövsüm sonunadək qalsın. Ehtiyac duyularsa, gələcəkdə müqavilə artırıla da bilər".

Qeyd edək ki, "Qəbələ" bu gün C.Hüseynovla mövsüm sonunadək müqavilə imzaladağını açıqlayıb.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31