Sezar Meza Kolli: “Neftçi” üzərində qələbəyə layiq idik”

“Zirə”nin hücumçusu Sezar Meza Kolli “Neftçi” ilə oyundan sonra Futbolxeber.az saytına müsahibə verib.   

- “Neftçi” üzərində qazanılan 2:0 hesablı qələbəni necə şərh edə bilərsən?

- Matça ciddi hazırlaşmışdıq. Kompakt şəkildə, yaxşı oyandıq. Qələbəyə layiq idik.

- Görüşün gedişində sarı vərəqə aldığın epizodda sərt reaksiya nümayiş etdirdin. Bu, nədən irəli gəlirdi?

- Oyunun temperamentindən asılı olan haldır. Bəzən hirsli olursan və əsəbi şəkildə reaksiya verirsən. Bu, normaldır.

- “Neftçi”nin çıxışını necə dəyərləndirə bilərsən?

- Heç nə deyə bilmərəm. Bu gün onlardan daha yaxşı oynadıq. Həftəlik məşqlərimizin bəhrəsini gördük. Komandamızda məşqçi işi özünü göstərdi.

- Ümumiyyətlə, cari mövsümdə “Zirə”nin hədəfi nədir?

- Məqsədimiz oyundan oyuna qələbə qazanmaqdır. Bu gün 3 xala sahib çıxdıq. Artıq növbəti görüşü düşünməliyik.

- Bu mövsüm “Zirə”ni avrokuboklarda görə biləcəyik?

- Komanda çalışır ki, hər oyunda qalib gəlsin. Meydana hər dəfə qələbə əzmi ilə çıxırıq.

- “Üçlüy”ə düşmək mümkün olacaq?

- Bunu zaman göstərəcək.