Löv: “Əminliklə deyə bilərəm ki, Bakıdakı oyun...”

“Məqsədimizə çatmaq üçün sona qədər mübarizəmizi davam etdirəcəyik. Arxayınlaşmaq fikrimiz yoxdur”. Futbolxeber.az saytının məlumatına görə, bu sözləri Almaniya millisinin baş məşqçisi Yoahim Löv DÇ-2018-in seçmə mərhələsində Şimali İrlandiyaya qalib gəldikləri oyundan (2:0) sonra deyib

3 oyundan 9 xal toplayan Bundestimin çalışdırıcısı millimizin qrupdakı uğurlu çıxışına da toxunub: “Azərbaycan millisi turnir cədvəlində bizim ən yaxın izləyicimizdir. Gələn ilin mart ayında bu rəqiblə qarşılaşacağıq. Əminliklə deyə bilərəm ki, Bakıdakı görüş qrupun top-oyunu olacaq”.

Qeyd edək ki, Azərbaycan - Almaniya matçı  martın 26-da keçiriləcək.

Mənbə: qol.az