“Qaradağ-Lökbatan”da baş məşqçi dəyişikliyi: “Klubun tarixində belə hal olmamışdı”

“Qaradağ-Lökbatan”ın baş məşqçisi Əfqan Talıbov istefa verib. Futbolxeber.az saytının məlumatına görə, Talıbov I divizionun VI turunda bu gün “Şahdağ”a 1:2 hesabı ilə uduzduqları görüşdən sonra vəzifəsindən ayrılıb.

Məlumatı saytımıza açıqlamasında “Qaradağ-Lökbatan”ın prezidenti Tahir Mustafayev də təsdiqləyib: “Klubun tarixində belə hal olmamışdı. İlk dəfədir ki, “Qaradağ-Lökbatan” ardıcıl 3 oyun uduzur. Bugünkü məğlubiyyətdən sonra Əfqan müəllim israrla komandadan getmək istədiyini bildirdi. O da ardıcıl 3 məğlubiyyəti həzm edə bilmir. Yorulduğunu, istirahətə ehtiyac duyduğunu bildirdi və komandadan ayrıldı”.