Ozobiç: “Çox şadam ki, “Qarabağ”a qol vurdum"

“Qəbələ”nin aparıcı üzvü Filip Ozobiç “Qarabağ”la görüşdən sonra (2:0) Futbolxeber.az saytına müsahibə verib.

- İlk dövrənin son turunda “Qarabağ” üzərində 2:0 hesablı qələbə qazandığınız görüş barədə nə deyə bilərsən?

- Yaxşı oynadıq. Güclü rəqib üzərində layiqli qələbə qazandıq.

- Oyundan hesabı sən açdın...

- Buna görə də ayrıca sevinirəm. Çox şadam ki, “Qarabağ”a qol vurdum.

- “Maynts”la görüşdən sonra komandada yorğunluq var idi?

- 2 gün sonra yenidən güclü rəqibə qarşı mübarizə aparmaq çətin idi. Komandada yorğunluq vardı. Amma qələbə qazanmaq istəyirdik. Buna görə də bütünc gücümüzü meyanda qoyduq və qalib gəldik.

- Hesabı açdığın epizodda qapıya zərbə vurmağı əvvəldən planlaşdırmışdın?

- Təbii ki. Əvvəldən zərbə vurmağı planlayırdım. Yəni bu, təsadüf deyil.

- Tez-tez sona yaxın əvəzlənməyinə səbəb nədir?

- 2 gün əvvəl çətin oyun keçirmişdik. “Maynts”a qarşı 90 dəqiqə oynamışdım. Ona görə də yorğun idim.

- Bu qələbədən sonra “Qəbələ”nin çempionluq şansını necə dəyərləndirmək olar?

- Çempionluq üçün yaxşı şansımız var. İlk dövrəni lider kimi bitirdik. İndi bunun ardını gətirməliyik.

- “Qəbələ”nin ikinci hissədə daha çox müdafiəyə diqqət ayırması nədən irəli gəlirdi?

- İkinci hissədə “Qarabağ” təzyiqi artırdı. Rəqib daha çox hücum edirdi. Buna görə də bir qədər arxaya çəkildik.