Quliyev və Sultanovun “Neftçi” üzərində qələbəsi

Topaz Premyer Liqasının VI turunda “Neftçi” “Əlincə arena”da “Sumqayıt”a 1:2 hesabı ilə uduzub. Futbolxeber.az saytının məlumatına görə, “Neftçi”nin ardıcıl 5-ci məğlubiyyətini “Sumqayıt” rəhbərliyi üçün prinsipial hesab etmək olar.

Belə ki, bir müddət əvvəl “Neftçi”nin düşdüyü bərbad vəziyyətdən çıxarılması üçün müxtəlif variantlar irəli sürülmüşdü. Onlardan biri də “Sumqayıt”ın prezidenti Kamran Quliyev və baş menecer Ceyhun Sultanovun “Neftçi”yə gəlişi idi. Lakin yekunda “Neftçi”yə Quliyev və Sultanov deyil, başqalarının təyinatı reallaşdı. “Sumqayıt”ın dünənki qələbəsi isə bir növ həmin təyinatı reallaşdıran şəxslərə mesaj idi. “Sumqayıt”ın bu qələbəsi bir daha “Neftçi”nin yaxın gələcəkdə özünə gəlməyəcəyinə işarədir. Klub rəhbərliyində futbolu bilən adamlar yer almayınca, uğursuzluq davam edəcək.