“Layiq olduğumuz xalı qazandıq”

Komandamızı təbrik edirəm. Bu gün çox gözəl oyun nümayiş etdirdik”. Futbolxeber.az saytının Gəncəyə ezam olunmuş əməkdaşına açıqlamasında bu sözləri “Kəpəz”in müdafiəçisi Renan da Silva Alves deyib.

Mərkəz müdafiəçisi “Qarabağ”la matçda 1 xala layiq olduqlarını qeyd edib: “Qarabağ”ın güclü olduğu hər kəsə məlumdur. Belə bir rəqibə qarşı gözəl çıxış etdik. Sona qədər döyüşdük və layiq olduğumuz 1 xalı qazandıq”.

Braziliyalı futbolçu növbəti turda “Neftçi”yə qarşı keçirəcəkləri oyundan da söz açıb: “Neftçi” hazırda yaxşı çıxış etmir. Buna baxmayaraq, rəqibə hörmətlə yanaşırıq. Rəqib də hazırkı vəziyyətini dəyişmək istəyir. Ona görə onlar da qələbəyə oynayacaqlar. Bizim məqsədimiz “Neftçi”ni məğlub etməkdir. Bunun üçün çox çalışmalıyıq”.