Şahin Diniyev: “Biz də qalib gələ bilərdik, “Qarabağ” da”

“Qarşılaşma gərgin alındı. Biz də qalib gələ bilərdik, “Qarabağ” da”. Futbolxeber.az saytının Gəncəyə ezam olunmuş əməkdaşının verdiyi məlumata görə, bu sözləri “Kəpəz”in baş məşqçisi Şahin Diniyev deyib

Topaz Premyer Liqasının altıncı turunda “Kəpəz” öz meydanında “Qarabağ”la heç-heçə oynayıb. Oyunsonrası mətbuat konfransında Gəncə klubunun çalışdırıcısı 1:1-lik bərabərliyi belə şərh edib: “Əsas məqsədimiz “Qarabağ”ın orta xəttini zərərsizləşdirmək idi. Şəhriyarın zədələnməsi də oyunumuza təsir etdi. Elə qolu da ehtiyatsızlıqdan buraxdıq. Oyundan öncə də müdafiədə oturmayacağımızı demişdim. Komandamın bu cür oyunu məni sevindirir. 1:1-dən sonra da ruhdan düşmədik, axıra kimi döyüşdük”.

Şahin Diniyev nəticəyə görə ot örtüyündən şikayətlənmək fikrində olmadığını bidirib: “Biz də texnikalı futbol oynayırıq. Meydança hər iki komanda üçün eynidir. Deməzdim ki, meydançanın vəziyyəti bərbad idi. Sadəcə, yağışdan sonra bir qədər vəziyyət pisləşib”.