Pantiç: "Bakı” rəhbərliyinin gələcəklə bağlı böyük planları var"

“Bakı”nın yeni baş məşqçisi Milinko Pantiç İspaniya televiziyasına müsahibəsinə verib. Futbolxeber.az-ın məlumatına görə, Pantiç müsahibəsində yeni iş yerindən söz açıb: "Bakı”nın yaxşı şəraitinin olduğunu qeyd etmək istərdim. Baş məşqçiyə əsas işləmək üçün yaxşı şəraitdir ki, “Bakı” mənə bunu yaradır. Komandanın müasir bazası, öz stadionu var ki, burada məşq edib, oyunlarını keçirmək olar. Azərbaycanda idmana, xüsusilə futbola böyük diqqət göstərilir. Bu ölkədə futbolu çox sevirlər. Mənə Azərbaycan futbolunun əvvəllər hansı vəziyyətdə olmağı və indi necə dəyişildiyi haqda çox danışıblar. "Bakı” rəhbərliyinin gələcəklə bağlı böyük planları var. Klubun sahibi bir neçə il uğurlu çıxış edəcək komanda yaratmaq istəyir. Onların sabit oyun və nəticəni görmək istəmələri məni sevindirir”.