Nazir “Land of fire Azerbaijan” brendindən danışdı: “Böyük təbliğat idi”

Xarici İşlər Naziri Elmar Məmmədyarov “Land of fire Azerbaijan” brendindən danışıb. Futbolxeber.az saytına açıqlamasında nazir Hafiz Məmmədovun bu təşəbbüsünün ölkəmizin tanınması baxımından böyük rol oynadığını bildirib: “Atletiko” və “Lans”ın forması üzərində “Land of fire Azerbaijan” brendinin yazılması biznes layihə idi. Bu, hər bir biznesmen öz təşəbbüsüdü, qərarıdı. Ona görə də hökümət bu işə qarışmır. Lakin deyə bilərəm ki, “Land of fire Azerbaijan” brendi uğurlu addım idi. Bu, həm Avropada, həm də dünyada ölkəmizin tanınmasına xidmət edib. Təsadüfi deyil ki, “Atletiko” Çempionlar Liqasınn finalına çıxmışdı. Həmin zaman klubun formasında “Land of fire Azerbaijan” sözləri yer almışdı. Bu isə ölkəmizin adı baxımından böyük təbliğat idi”.