“Sumqayıt”ın yeni transferi: “Futbolçuların hər biri ürəyini meydanda qoydu”

“Bu gün hamımız komanda şəklində mübarizə apardıq və qələbə qazandıq. Futbolçuların hər biri ürəyini meydanda qoydu. 1:0 hesablı qələbə qazandığımız üçün çox şadam. Bu, Azərbaycandakı ilk oyunum idi”. Futbolxeber.az saytına açıqlamasında bu sözləri “Sumqayıt”ın yeni trasferi İbrahim Abednezhad Topaz Premyer Liqasının ilk turunda “Zirə”ni 1:0 hesabı ilə məğlub etdikləri görüşdən sonra deyib.

Əslən Təbrizdən, azərbaycanlı olduğunu deyən  Abednezhad “Sumqayıt”da özünü çox yaxşı hiss edir: “Bu kluba gəldiyim üçün çox şadam. “Sumqayıt”da özümü çox yaxşı hiss edirəm. Düzdür, komandaya yeni qoşulmuşam. Hələ ki tam formada deyiləm. Lakin baş məşqçimiz hər bir futbolçu mənə də diqqət edir. Xüsusi proqram əsasına çalışıram. Tezliklə 100 faiz hazır olacağam”.