Ölkəmizdə çalışmış məşqçi “Qəbələ”ni təbrik etdi

Vaxtı ilə ölkəmizdə çalışan, 3 müxtəlif vaxtda “Turan”ın baş məşqçisi olan Naci Şensoy “Qəbələ”nin “Lill” üzərindəki möhtəşəm qələbəsinə biganə qalmayıb. Futbolxeber.az saytının məlumatına görə, o, sosail şəbəkədə qazanılan uğur münasibəti ilə bütün “Qəbələ”liləri təbrik edib: “Təbriklər “Qəbələ”. Fransanın və Avropanın tanınmış klubunu mübarizədən kənarlaşdırmaları, Avroliqada növbəti mərhələyə yüksəlmələri səbəbindən “Qəbələ” klubunda əməyi olan hər kəsib təbrik edirəm və uğurlarının davamını diləyirəm”.