“Qəbələ”dən nümunəvi addım

Avropa Liqasının III təsnifat mərhələsinin cavab oyunları çərçivəsində “Lill”i qəbul edən “Qəbələ” maraqlı addım atıb. Futbolxeber.az saytının məlumatına görə, “qırmızı-qaralar” matçöncəsi yaşlı nəslin nümayəndələrinə jest edib.

Belə ki, bölgə klubunun təşəbbüsü ilə Bakıdakı qocalar evlərindən birinin sakinləri stadiona dəvət edilib. “Qəbələ”nin yaşlı azarkeşləri oyundan bir neçə dəqiqə öncə klubun forması və bayraqlarıyla tribunalarda öz yerlərini tutublar (apasport.az).