Sergey Zenyov: “Məqsədimiz ötənilki nəticəni təkrarlamaqdır”

"Qəbələ”nin aparıcı üzvü Sergey Zenyov “Lill”lə oyundan (1:0) sonra jurnalistlərin suallarını cavablandırıb. Futbolxeber.az saytı Zenyovun müsahibəsini təqdim edir:

- “Lill”lə cavab oyunu gözlədiyinizdən də çətin alındı?

- Komandamız meydanda çox istəkli idi. Hər kəs əlindən gələni edirdi. “Lill” sürətli oynamağa üstünlük verirdi. Lakin biz rəqibə meydanda istədiklərini etməyə imkan vermədik. Bunun da sayəsində qələbə qazandıq.

- Ümumiyyətlə, görüşə xüsusi şəkildə hazırlaşmışdınız?

- Oyundan öncə heç kimi motivasiya etməyə ehtiyac yox idi. Hər kəs necə rəqibə qarşı oynayacağını bilidi. Bu cür güclü rəqiblə hər gün qarşılaşmaq imkanın olmur.

- Nəticəni sürpriz sayanlarla razısan?

- “Lill”in səviyyəsi göz önündədir. Ancaq biz tam gücümüzlə mübarizə apardıq və layiqli qələbə qazandıq.

- “Lill” kimi rəqibi keçdikdən sonra artıq “Qəbələ” üçün qrup mərhələsinin minimal hədəf olduğunu söyləmək mümkündür?

- Növbəti mərhələdəki rəqibimiz də zəif olmayacaq. İşimiz asan deyil. Məqsədimiz ötənilki nəticəni təkrarlamaqdır. Bunun üçün də sonra qədər mübarizə aparacağıq.

- Hazırkı “Qəbələ”ni ötənilki komandadan güclü saymaq olar?

- Hələ ki oyunumuz alınır. Ötən il də mövsümə yaxşı başlamışdıq. Mən komandaları müqayisə etmək istəməzdim. Ötən il də, indi də heyətimizdə çox yaxşı futbolçular var.

- Oyundan sonra klub prezidenti Tale Heydərov komanda ilə görüşdü. Sizinlə görüşdə Tale Heydərov nə dedi?

- Bizi qələbə münasibəti ilə təbrik etdi. Bildirdi ki, çox gözəl nəticə qazanmışıq.