Muarem Muarem: “Qapımızda qol görəndə “İnter”lə oyunu xatırladım”

“Qarabağ”ın aparıcı üzvü Muarem Muarem “Viktoriya Plzen”lə görüşdən sonra (1:1) Futbolxeber.az saytına müsahibə verib.

- “Qarabağ” yenə Çempionlar Liqasınn pley-offundan kənarda qaldı. “Viktoriya Plzen” qol vurarkən hansı hisslər keçirdin?

- Qapımızda qol görəndə “İnter”lə oyunu xatırladım. Bu, bir qədər fərqli məyusluq idi. Çempionlar Liqasında ilk dəfə pley-offda oynayacağdıq. Digər tərəfdən də minimum Avroliqanın qrupunu təmin edirdik. Əvvəldən ÇL-i düşünürdük. Məqsədimiz bu turnirdə qrupa düşmək idi. Lakin alınmadı. “Viktoriya Plzen”ə qarşı yaxşı oynadıq. Rəqibin 1 epizodu oldu, onu da dəyərləndirdilər. Biz isə bir neçə qol şansını boşa verdik.

- Razısan ki 1:0-dan sonra ikinci qolu vurmaqla matçın taleyini daha erkən həll etmək olardı?

- Razıyam. Hesabda öndə olarkən qol braxacağımızı düşünmürdüm. Əksinə, fikirləşirdim ki ikinci qolu da vuracağıq. Ard-arda şansları boşa verdik. Futbolun qaydası var, vurmayana vurarlar.

- “Qarabağ”ın “Viktoriya Plzen”i keçə bilməməsini nə ilə əlaqələndirmək olar?

- Qaçırılan epizodalarla. Vaxtında ikinci qolu vurmaq lazım idi. Nəticəyə görə çox məyusuq. Bunu necə unuducağımızı heç bilmirəm.

- “Qarabağ” ardıcıl üçüncü mövsüm Avroliqanın qrup mərhələsində oynaya biləcək?

- Bunun üçün əlimizdən gələni edəcəyik. İndi daha yaxşı oynamalıyıq. Bütün gücümüzü meydanda qoymalıyıq. “Viktoriya Plzen”ə qarşı da tam gücümüzlə oynadıq. Meydanda mübarizə apardıq. Lakin alınmadı... Nə deyəcəyimi bilmirəm.

- Oyundan sonra paltardəyişmə otağında Qurban Qurbanov nə dedi?

- Komandamızın yaxşı oynadığını söylədi. Bildirdi ki, hər kəs bütün gücünü meydanda qoydu. Sadəcə, bəxtimiz gətirmədi.

- Zamanı geri çəkmək mümkün olsaydı, “Viktoriya Plzen”lə görüşdə nəyi dəyişmək istərdin?

- Elə həminki kimi oynardıq. Sadəcə, yaxaladağımız şanslardan yararlanmalıydıq. Başqa deyəcək bir sözüm yoxdur.