“Qəbələ” “Lill”lə cavab oyununun hazırlıqlarına fasiləsiz start verdi

“Qəbələ” Avroliqanın III təsnifat mərhələsinin cavab oyunu çərçivəsində “Lill”ə qarşı keçiriləcək qarşılaşmanın hazırlıqlarına fasiləsiz start verib. Futbolxeber.az saytının məlumatına görə, cümə günü axşam saatlarında vətənə qayıdan “Qırmızı-qaralar” dünən məşqə çıxıb. “Lill”lə oyunda meydanda olan futbolçular fitnes salonunda çalışıblar. Fransada oynamayan komanda üzvləri isə “Bakı”nın bazasında baş məşqçi Roman Qriqorçukun rəhbərliyi altında hazırlıq keçiblər. Komandanın bu günə 1 məşqçi nəzərdə tutulub.

Qeyd edək ki, “Qəbələ” “Lill”lə “Bakcell Arena”da avqustun 4-də üz-üzə gələcək. Rəqib meydanında baş tutan oyun 1:1 hesabı ilə yekunlaşıb.